Haqqımızda
"BakıKART" - beynəlxalq standartlara uyğun olaraq sərnişinlərin tələblərinə cavab verən ictimai nəqliyyatda gediş haqqının nağdsız elektron ödəniş alətidir.
08 avqust 2015-ci il tarixindən etibarən Bakı Metropolitenində və Bakı şəhərində fəaliyyət göstərən avtobus xətlərində gediş haqqının ödənişi "BakıKART" vasitəsilə həyata keçirilir.
Missiyamız:
İctimai nəqliyyatda ödənişlər üzrə vahid ödəniş aləti olmaqla, ictimai nəqliyyatdan istifadə edənlərin vaxta qənaətini, rahatlığını və ictimai nəqliyyatda ödənişlərin şəffaflığını təmin etmək.
Fəaliyyətimiz:
İctimai nəqliyyatda gediş haqqının ödənilməsi üçün müasir avtomatlaşdırılmış ödəniş sisteminin tətbiq edilməsi;
Bakı şəhərində ictimai nəqliyyatda gediş haqqının ödənişi üzrə vahid sistemin yaradılması;
Nağd pulun dövriyyəsinin azaldılması ilə gediş haqqının ödənilməsində şəffaflığın təmin edilməsi;
Sərnişindaşımanın səmərəli tənzimlənməsi məqsədilə sərnişin daşımaları haqqında operativ və etibarlı məlumatın təmin edilməsi;
Nağdsız ödənişlərin artırılmasının nəticəsi olaraq ictimai nəqliyyatda vergi şəffaflığının təmin edilməsi.